Tanii ka aji yasañ miin nanii

Simi ka English pa ka keliñ nii bo

Mihin Lali, ho Hage Mumpa Mihin.

Kapyo japa

Ngunu Tanii ka aji yasañ miin nanii bilo ayu hokii dotii. Tami te'pa nanii ilyo hokii dori biila, on nanii pa dipe dori biila dotii. Siika page so ngunu Tanii atañ ka aji yasañ miin nanii pa' nanii atañ mi luko siisa.

ilyo

Tanii ho, ilyo si abu loda miin nanii pa budo. Tami te'pa nanii pa, aha ni'nanii pa, more paho pakho nanii pa, yasañ panii nanii pa budu. Ayu ho Āba Liibo la Anii Donii nyi ilyo lo more paho pakho lala, aji miiri hiidu. Mo anyi ka ilyo biiniiñ mi "Tiigo ilyo" hala lutii.

Tanii atañ pa ilyo miitu japa ka miiri nii Abo Loma hiidu. Moka Chi'ri ilyo miiniiñ siisi tare Tanii ho dorañ. Tanii ho Chi'ri ilyo mi miigo lugo miina nama, simi Muruñ piilo ho pen iñlyi ho, Mihi lalyi chikañ ho biidu. Aji yasañ miin nanii ilyo mi "giiniiñ ilyo" hala ludu.

Ilyo hii dachañ lo miidu, ho lyo'li hii yasañ sañje hokii miidu, ho, "hubyu" hii bije lo miidu, tange nii yaso lo tare miidu.